200 православных исцеляющих икон Шнуровозова Татьяна

Молитва вторая

Царице моя преблагая, Надеждо моя, Богородице, Приятелище сирым и странным Предстательнице! Скорбящим Радосте, обидимым Покровительнице! Зриши мою беду, зриши мою скорбь: помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи разве Тебе, ни иныя Предстательницы, ни благия Утешительницы токмо Тебе, о Богомати, яко да сохраниши мя и покрыеши во веки веков. Аминь.

Молитва третья

О, Всемилостивая Госпоже Дево, Владычице, Богородице! Услыши нас, молящихся Тебе, и яви милость Твою на людях Твоих; моли Сына Твоего избавитися нам от всякого зла, и сохрани град наш и всяку страну верных и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междуусобныя брани, от всякия болезни и всякого обстояния, да ни ранами, ни прошением, ни мором, ни всяким праведным гневом Божиим умаятся раби Твои; но соблюдай и спасай милостию Своею, Госпоже, за ны молящися, и полезныя прошения нам даруй; облегчи, возстави и помилуй, премилостивая Владычице, Богородице, препетая, во всякой беде и нужде сущия; помяни рабы Твоя и не презри слез и воздыханий наших, и обнови нас благодатию Своея милости, да со благодарением утешаемся, обретше Тя Помощницу. Умилосердися, Госпоже пречистая, на немощныя люди Твоя, надежда наша: разсеянныя собери, заблудшия на путь настави, отпадшия от благочестивыя отеческия веры паки возврати, старость поддержи, юные накажи, младенцы воспитай и прослави славящия Тя, изряднее же церковь Сына Твоего соблюди и сохрани в долготу дней. Ты бо еси, Госпоже, слава небесных и упование земных. Ты наша Надежда и Заступница всех притекающих к Тебе и Твоея святыя помощи просящих: Ты Молебница наша теплая к Сыну Твоему и Богу нашему; Твоя Матерняя молитва много может на умоление Владыки, и Твоим предстательством ко престолу благодати пресвятых и животворящих Его тайн приступати дерзнем, аще и недостойныя. Тем же святый образ Твой и рукой держимаго Вседержителя, видяще на иконе, радуемся грешныя, со умилением припадающие и любовию сей целуем, чающе, Госпоже, Твоими святыми молитвами дойти небесныя бесконечныя жизни и непостыдно стати в день судный одесную Сына Твоего Бога нашего, славяще Его купно со безначальным Отцем, Пресвятым благим и животворящим Духом во веки веков. Аминь.

Тропарь, глас 2-й

Всех скорбящих радосте и обидимых заступнице, и алчущих питательнице, странных утешение, обуреваемых пристанище, больных посещение, немощных покрове и заступнице, жезл старости, Мати Бога Вышняго, ты еси Пречистая. Потщися, молимся спастися рабом твоим.

Икона Божьей Матери «Введение Богородицы во Святая Святых» («Введение Богородицы во храм»)

Икона передает апокрифический сюжет о препровождении трехлетней Богородицы родителями в храм, где она и пребывала до обручения с Иосифом.

Композиция иконы построена вокруг образа маленькой Марии, которую первосвященник Захария забирает у родителей и ставит на третью ступень, что символизирует вход Богородицы в Святая Святых Иерусалимского храма, куда дозволено было входить раз в год только первосвященникам для очистительной жертвы.

Создание иконы связано с основанием владычного Введенского монастыря в Серпухове в середине XIV в. По преданию, во время молитвы Богородице митрополиту Московскому Алексию было послано видение. Явившаяся святителю Богородица повелела основать близ Серпухова монастырь, посвященный ее имени.

Повинуясь посланному знамению, Алексий направил в Серпухов преподобного Варлаама. Прибыв в город, Варлаам увидел на высоком холме близ слияния Оки и Нары двух ангелов, поддерживавших монастырь с храмом. На пороге храма первосвященник Захария встречал юную Пречистую Деву, которую привели к нему родители.

Вскоре после основания храма видение было передано на иконе, которая с момента написания стала проявлять великую целительную силу. После революции 1917 г. долгое время старинная икона пребывала в местном историческом музее. Но сейчас раз в год святыню передают храму, названному в честь посланного видения Введенским монастырем.

Молитва перед иконой исцеляет от тяжелых душевных недугов, помогает одолеть физическую слабость, дарует силы для борьбы с болезнью.

Молитва первая

О, Пресвятая Дево, Царица небеси и земли, прежде век избранная Невесто Божия, в последняя же времена пришедшая в храм законный на обручение Жениху Небесному! Ты оставила еси люди Твоя и дом отца Твоего, во еже принести Себе в жертву чистую и непорочную Богови, и первая дала еси обет всегдашняго девства. Даруй же и нам соблюдати себе в целомудрии и чистоте и в страхе Божием во вся дни живота нашего, да будем храмы Духа Святаго, наипаче помози всем в подражание Твое во обителех живущим и обручившим себе на служение Богови в чистоте девства провождати житие свое и от юности нести иго Христово, благое и легкое, свято храняще обеты своя. Ты провела еси, Всечистая, вся дни юности Твоей во храме Господнем вдали от соблазнов мира сего, в присном бодрствовании молитвенном и во всяком воздержании душевном же и телеснем, помози и нам отражати вся искушения вражеския от плоти, мира и диавола, находящих на ны от юности нашея, и побеждати оныя молитвою и постом. Ты, во храме Господнем со ангелы пребывающи, украсилася еси всеми добродетельми, наипаче же смирением, чистотою и любовию, и достойно воспиталася еси, да готова будеши вместити плотию невместимое Слово Божие. Сподоби же и нам, одержимым гордостию, невоздержанием и леностию, облещися во всякое совершенство духовное, да уготовает кийждо от нас с помощию Твоею одеяние брачное души своея и елей доброделания, да не нази и неготови явимся во сретение Безсмертному Жениху нашему и Сыну Твоему, Христу Спасителю и Богу нашему, но да приимет ны с мудрыми девами во обители райския, идеже со всеми святыми сподоби нас выну славити и прославляти всесвятое имя Отца и Сына и Святаго Духа и Твое милостивое заступление всегда, ныне и присно и во веки веков. Аминь.

Молитва вторая

К кому возопию, Владычице, к кому прибегну в горести моей, аще не к Тебе, Царице Небесная? Кто плач мой услышит и воздыхание приимет, аще не Ты, Пренепорочная, надеждо христиан и прибежище нам, грешным? Кто паче Тебе в несчастиях защитит? Услыши стенание мое и приклони ухо Твое ко мне, Владычице и Мати Бога моего! Не презри ищущаго Твоея помощи и не отрини мене грешнаго, Царице Небесная! Научи мене исполняти волю Сына Твоего и даруй желание всегда следовати Его святым заповедям. За мой ропот в болезнех, трудах и несчастиях не отступи от мене, но пребуди Материю и Покровительницею мене малодушнаго, Царице моя преблагая, Заступнице усердная! Твоим ходатайством прегрешения моя покрый, от видимых и невидимых врагов защити, сердца враждующих против мене смягчи и Христовою любовию согрей их. Мне же немощному даруй Твою всесильную помощь победити моя греховныя привычки, дабы, очищенный покаянием и последующею добродетельною жизнию, в общении со святой церковию провел остальныя дни земнаго странствия. Предстани мне, надеждо всех христиан, в час кончины моея и подкрепи мою веру в смертный тяжкий час. Вознеси за мене, многопрегрешающаго в жизни сей, Твоя всесильныя молитвы по отшествии моем, да оправдает мене Господь и соделает причастником Его безконечных радостей. Аминь.

Тропарь, глас 4-й

Днесь благоволения Божия предображение и человеков спасения проповедание в храме Божием ясно Дева является и Христа всем предвозвещает. Той и мы велегласно возопиим: радуйся, смотрения Зиждителева исполнение.

Икона Божьей Матери «Утоли моя печали»

На иконе изображена Богородица с Младенцем, восседающим в складках ее мафория, словно на троне. Правая рука Марии слегка касается Спасителя, левая прижата в щеке. Голова Богоматери немного склонена в левую сторону. Она будто бы внимательно всматривается в слова тропаря «Утоли моя болезни», написанные в раскрытом в руках Спасителя списке.

По преданию, икона была передана казаками в Никольскую церковь Москвы в 1640 г. и практически с первых дней стала являть свою удивительную целительную силу. Уже в конце зимы того же года молитва перед иконой Божьей Матери исцелила страдавшую болезнью ног женщину, затем последовали другие случаи исцеления, и образ был признан чудотворным.

В 1771 г. образ Божьей Матери защитил Замоскворечье от свирепствовавшей чумы, помог одолеть лихорадку, исцелял беснования и нервные болезни. Сегодня чудотворный список со старинной иконы хранится в храме Николы в кузнецах (Москва).

Молитва перед иконой помогает одолеть алкоголизм и наркоманию, исцеляет от тяжких физических недугов и тяжелых форм депрессии, помогает при параличе, слабости, болезнях с неясным диагнозом.

Молитва

Дево Владычице Богородице, паче естества и слова рождшая Единородное Божие Слово, Творца и Владыку всея видимыя и невидимыя твари, Единаго от Троицы Бога, и Бога и Человека, обитель Божества явльшаяся, вместилище всякия святыни и благодати, в немже, по благоволению Бога и Отца, содействующу Святому Духу, вселися исполнение Божества телесне, царским и боголепным достоинством несравненно превознесенная и над всякою тварию преимущая, славо и утешение, и неизреченное веселие ангелов, апостолов же и пророков царственный венче, мучеников преестественное и дивное мужество, поборнице в подвизех и подательнице победы, уготовляющая подвижником венцы и воздаяния вечная и боголепная, всякия чести превышшая, честь и славо преподобных, непогрешительная путеуказательнице и наставнице безмолвия, дверь откровений и духовных таин, источниче света, врата вечныя жизни, неистощимая реко милосердия, неисчерпаемое море всех боголепных дарований и чудес! Тебе просим и Тебе молим, сострадательнейшую Матерь человеколюбиваго Владыки: буди милостива к нам, смиренным и недостойным рабом Твоим, призри благосердием на пленение и смирение наше, уврачуй сокрушения душ и телес наших, разсей видимыя и невидимыя враги, буди нам недостойным столп крепок пред лицем враг наших, бранное оружие, сильное ополчение, Воевода и необоримая Поборница. Яви ныне на нас древния и дивныя милости Твоя, да уведят беззаконнии врази наши, яко Сын Твой и Бог един есть Царь и Владыка, яко Ты еси воистину Богородица, рождшая по плоти истиннаго Бога, яко вся Тебе возможна суть, и елика аще восхощеши, Владычице, власть имаши вся сия совершити на небеси и на земли, и на всяко прошение даровати, елико коемуждо полезна суть: болящим здравие, в мори же сущим тишину и благое плавание. Путешествующим убо спутешествуй и охраняй я, плененныя спаси от горькаго рабства, утеши печальныя, облегчи нищету и всякое иное телесное злострадание, всех свободи от душевных недуг и страстей невидимыми Твоими предстательствы и наставлении, яко да безпорочно и непреткновенно путь сея временныя жизни совершивше, наследим Тобою и оная вечная блага во Царствии Небеснем. Верныя же цари наша, иже страшным именем Единороднаго Сына Твоего почтени суть, и уповают на Твое предстательство и на милость Твою, и во всех имут Тя свою ходатаицу и поборницу, укрепи невидимо противу обстоящих врагов, разсей облак уныния, души их облежащь, избави я от душевнаго утверждения, вместо же онаго даруй им светлое благодушие и радость, паки утверждающи мир и безмятежие державы и царства их. Спаси молитвами Твоими, Владычице, сию Тебе наипаче посвященную паству, всякий град и страну от глада, труса, потопа, огня, меча, нашествия иноплеменников, междоусобныя брани и всякий праведно на ны движимый гнев отврати благоволением и благодатию Единороднаго Сына и Бога Твоего, Емуже подобает всякая слава, честь и поклонение со Безначальным Его Отцем и со Присносущным и Животворящим Его Духом, ныне и присно и во веки веков. Аминь.

Тропарь, глас 5-й

Утоли болезни многовоздыхающия души моея, утолившая всяку слезу от лица земли, Ты бо человеков болезни отгониши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.

Икона Божьей Матери «Невская Скоропослушница»

Образ представляет собой список древней афонской иконы «Скоропослушница», но со столь значительными изменениями, не встречающимися больше ни в одном изводе, что он получил новое название – «Невская Скоропослушница».

На иконе представлено одиночное оглавное изображение Богоматери без Спасителя. Голова Марии немного наклонена влево, правая рука простерта в молитвенном жесте. Слегка преувеличенные размеры ладони символизируют безграничную помощь Господа.

Список был привезен в Санкт-Петербург в 1878 г. афонскими иеромонахами, собиравшими пожертвования на строительство храма в Турции. По преданию, принесенный в дар городу образ был списан с явившегося иноку монастыря видения Богородицы.

Через несколько лет после своего появления на невских берегах икона явила чудесную силу, оставшись нетленной после пожара, уничтожившего все постройки Николо-Барградского храма. По свидетельству очевидцев, икону только немного опалилу по краям, но лик Богородицы стал еще ярче. С тех пор прихожане не раз замечали, как меняется выражение лица Богородицы, то светлея, то снова мрачнея и грустнея.

В советское время икона несколько раз сменила храмы, ее часто возили по домам больных, она спасала голодных людей во время блокады от отчаяния и смерти. Сегодня чудотворный образ находится в Свято-Троицком соборе Александро-Невской лавры, точный список с прославленной святыни оставлен в Князь-Владимирском храме Санкт-Петербурга, где икона пребывала большую часть советского периода.

По свидетельству очевидцев, молитва перед иконой спасает от неизлечимого рака, беснования, паралича, алкоголизма.

Молитва первая

Преблагословенная Владычице, Приснодево Богородице, Бога Слова паче всякаго слова на спасение наше рождшая и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки, удиви нас пребогатыя милости Твоя и прошения наша, приносимая Тебе, Скоропослушнице, ускори исполнити все, еже на пользу во утешение и спасение коемуждо устрояющи. Посети, Преблагая, рабы Твоя благодатию Твоей, подаждь недугующим цельбу и совершенное здравие, обуреваемым тишину, плененным свободу и различными образы страждущих утеши. Избави, Всемилостивая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий; и душевного расслабления, обуревания страстей и грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Ему же подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

Молитва вторая

О, Пресвятая Дево, Мати Господа Вышняго, скоропослушная заступнице всех, к Тебе с верою прибегающих! Призри с высоты небеснаго величия Твоего на мя, непотребного, ко святой иконе Твоей припадающа, услыши скоро смиренную молитву мене, грешнаго, и принеси ю к Сыну Твоему, умоли Его, да озарит мрачную душу мою светом

Божественным благодати Своея и очистит ум мой от помыслов суетных, да умирит страждущее мое сердце и исцелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит от вечныя муки и не лишит Небеснаго Своего Царствия. О преблагословенная Богородице! Ты благоизволила еси нарещися во образе Твоем «Скоропослушница», повелевающи всем притекати к Тебе с верою, не презри убо мене, скорбного, и не попусти погибнути мне в бездне грехов моих, на Тя по Бозе все мое упование и надежда спасения, и Твоему покрову и предстательству вручаю себе во веки веков. Аминь.

Молитва третья

О, Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, «Всех скорбящих радосте», услыши и мя, скорбнаго; Ты, именуемая «Утоление печали», утоли и мою печаль; Ты, «Купино неопалимая», сохрани мир и всех нас от вредоносных огненных стрел врага; Ты, «Взыскание погибших», не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступница и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь.

Молитва четвертая

Царице моя Преблагая, надеждо моя, Богородице, Приятелище сирых и странных Предстательнице, скорбящих Радосте, обидимых Покровительнице! Зриши мою беду, зриши мою скорбь, помози ми, яко немощну, окорми мя, яко странна. Обиду мою веси, разреши ту, яко волиши: яко не имам иныя помощи разве Тебе, ни иныя Предстательницы, ни благия Утешительницы, токмо Тебе, о Богомати, яко да сохраниши мя и покрыеши во веки веков. Аминь.

Тропарь, глас 4-й

Богородице притецем сущии в бедах и ко святей иконе Ея ныне припадем, с верою зовуще из глубины души: скоро услыши наша моления, Дево, яко Скоропослушница нарекшаяся, в Тебе бо раби Твои в нуждах готовую Помощницу имамы.

Ватопедская икона Божьей Матери «Отрада и утешение»

На иконе дано поясное изображение Богоматери, слегка отвернувшейся от сидящего на ее левой руке Спасителя.

Лик Христа суров и грозен, в одной руке он держит свернутый свиток, второй пытается закрыть уста матери. Мария, противясь Сыну, пытается свободной рукой отвести руку Спасителя.

По преданию, в 395 г. близ афонского берега разразилась жесточайшая буря, в которую попал корабль с сыном императора Аркадием. Набежавшая волна смыла юношу за борт и все подумали, что царевич погиб. Решив найти тело Аркадия, капитан корабля пристал к берегу и к своему изумлению нашел юношу живым и здоровым, крепко спящим под кустом. Свое спасение Аркадий не мог объяснить ничем иным, как заступничеством самой Богоматери, к которой он взывал, уже идя ко дну.

На месте спасения был основан Ватопедский монастырь, так называемая обитель у куста отрока. В возведенном храме поставили икону Божьей Матери, которая с тех пор стала называться «Отрада».

Первоначально икона выглядела согласно канону Одигитрии: Богоматерь слегка развернулась и склонила свою голову к сидящему на ее левой руке Богомладенцу. Однако в 807 г., когда на обитель готовилось нападение и разбойники дожидались наступления ночи в близлежащем лесу, в церкви монастыря произошло чудо.

Настоятель обители вдруг увидел, что лики на иконе стали словно живые, Богоматерь шептала настоятелю, что ворота обители нужно закрыть, а самим монахам поторопиться подняться на монастырские стены и разогнать шайку бандитов.

Младенец же, сидящий на руке Богоматери, всеми силами пытался закрыть ей рот ладонью, чтобы она не помогала обреченной обители. Однако Марии удалось отвести руку Христа и она еще дважды повторила свое предупреждение.

После явленного чуда лики на иконе навсегда переменили свое положение. Иноков поразили рассказ настоятеля и перемены в иконе, и они поспешили последовать словам Богородицы. С тех пор образ получил свое второе название «Утешение».

Чудотворная икона была келейным образом святого Димитрия Ростовского, после кончины которого ее перенесли в Зачатьевский храм Ростова Великого. Образ прославился многими чудесами, в том числе и исцелениями от разных заболеваний. Сегодня чудотворный образ вернулся на свое место, в Спасо-Иаковлевский Димитриев монастырь.

Молитва перед иконой помогает при самых разных заболеваниях: от тяжелых форм хронических болезней до излечения от депрессии и нервных расстройств. Кроме того, обращение к Богоматери перед иконой «Отрада и утешение» помогает обрести силу духа, справиться с тяжелыми пороками, исцеляет неизлечимые или неясные заболевания.

Молитва первая

О, Пресвятая Госпоже Богородице, Отрадо и Утешение наше! Воззри милостивно на люди, предстоящие с верою и любовию и покланяющиеся Пречистому Образу Твоему, приими наше хвалебное пение и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О Предивная Владычице! Покажи на нас чудные милости Твоя, сохрани пастырей церкви и вся христианское воинство. Молим Тя умиленно, избави и всех нас от всякия скорби, настави на путь всякия добродетели и благостыни, спаси искушений, бед и болезней и изьми от нас оклеветания и свары, сохрани от молниеноснаго грома, от запаления огненнаго, от града, труса, потопа и смертоносныя язвы, подаждь нам Твою милостивую помощь в пути, и в мори и на суши. Се бо, Всемилостивая Владычице, во уповании несомнением Тебе нашу убогую молитву возносим. Не отрини наших слез и воздыханий, не забуди нас во вся дни жизни нашея, но всегда пребывай с нами и Твоим заступлением и ходатайством у Господа подавай нам отраду, утешение, защиту и помощь, да славим и величаем и ублажаем Тя во вся роды во веки веков. Аминь.

Молитва вторая

Надежда всем концем земли, Пречистая Дево Богородице, Утешение и Отрадо наша! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца, с воздыханием Тебе приносимыя. Буди Ходатаица о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем, зде предстоящим и молящимся, и всегда пребываяй с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.

Молитва третья

О, Пресвятая Дево, Мати Господа, Царице небесе и земли! Вонми многоболезненному воздыханию души нашея, призри с высоты святыя Твоея на нас, с верою и любовию поклоняющихся Пречистому образу Твоему. Се бо грехми погружаемии и скорбьми обуреваемии, взирая на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни иного предстательства, ни утешения, токмо Тебе, о Мати всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину, и на Страшном суде Сына Твоего явися нам, Милосердая Заступница, да всегда поем, величаем и славим Тя, яко благую Заступницу рода христианскаго, со всеми, угодившими Богу. Аминь.

Икона Божьей Матери «Семистрельная» («Умягчение злых сердец»)

Икона изображает Богоматерь в полурост, со сложенными на груди руками и немного наклоненной головой. Грудь Богоматери пронзена семью мечами, расположение которых зависит от иконографической разновидности иконы: в «Семистрельной» три меча пронзают грудь с одной стороны и четыре – с другой, в иконе «Умягчение злых сердец» один меч располагается по центру.

В сюжете иконы воплотились слова святого Симеона, предсказавшего пришедшей в храм Марии великое горе от расставания с сыном, которое словно меч пройдет через ее душу, а число 7 символически отображает полноту этого горя.

По преданию, первое чудо икона явила больному крестьянину Вологодской губернии, который несколько лет страдал от неизлечимой болезни ног. Однажды во время сна он услышал голос, призывавший его отыскать на колокольне Иоанно-Богословской церкви чудотворный образ Богоматери и усердно помолиться перед ним. Оказалось, чудотворный образ был одной из досок в переходном мостике на колокольню и по нему каждый день ходили звонари. Образ очистили от сора и снова вернули в церковь. После молебна больной крестьянин излечился, а икона была признана чудотворной. Впоследствии чудотворный образ избавил Вологду от свирепствовавшей эпидемии холеры.

Икона не сохранилась до наших дней, но чудотворный список с этого образа и сейчас можно увидеть в храме Святого Лазаря Праведного (Вологда). Помимо этого, образ Семистрельной Богоматери есть в храме «Утоли моя печали» (Арзамас), в храме Михаила Архангела (село Летово) и в храме Михаила Архангела при клиниках на Новодевичьем поле (Москва). Молитва перед иконой исцеляет увечья и заболевания ног, хромоту, помогает справиться с депрессиями и тяжелыми душевными переживаниями, спасает при эпидемиях, способствует обретению сил после болезни, исцеляет от кожных заболеваний, а также излечивает рак.

Молитва

О, Многоскорбная Мати Божия, превышшая всех дщерей земли по чистоте Своей и по множеству страданий, Тобою на земли перенесенных! Приими многоболезненныя воздыхания наша и сохрани нас под кровом Твоея милости, инаго бо прибежища и теплаго предстательства, разве Тебе, не вемы, но, яко дерзновение имущи ко иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне и присно и во веки веков. Аминь.

Тропарь, глас 5-й

Умягчи наша злая сердца, Богородице, и напасти ненавидящих нас угаси, и всякую тесноту души нашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердная, в жестокосердии нашем и от жестокосердия ближних погибнути, Ты бо еси воистину злых сердец умягчение.

Икона Божьей Матери «Неопалимая купина»

На иконе «Неопалимая купина» изображение Богоматери со Спасителем помещено в центр наложенных друг на друга красного и зеленого четырехугольников с вытянутыми углами – лучами. На углах красного четырехугольника расположены символы четырех евангелистов (лев, телец, орел и ангел), на углах зеленого – ангелы. Образованная звезда окружена облаками, на которых представлены обращенные к Богоматери со Спасителем ангелы и архангелы.

На углах образа – четыре видения, явленные пророкам: явление неопалимой купины Моисею как прообраза Богоматери, пророческий сон Иакова с лестницей с ангелами, затворенные врата Иезекииля и вознесение Исайи. По преданию, первую икону привезли на Русь в конце XIV в. из Палестины. С первых же дней образ прославился чудодейственной защитной силой от пожаров, сильных гроз, огня. В конце XVII в. чудотворный образ спас жизнь стремянному конюху царя Дмитрию Колошину, безвинно оклеветанному врагами перед лицом царя. Усердная мольба о помощи привела к заступничеству самой Богоматери, явившейся во сне царю и объявившей Колошина невинным.

Царь, посчитавший сон знамением свыше, велел пересмотреть дело и по его итогам объявил своего стремянного оправданным. В благодарность Колошин возвел в Москве храм в честь чудотворной иконы. В 1812 г. после захвата Москвы французами один иноземный солдат соблазнился богатой ризой иконы и похитил ее, но беспричинная тоска и грусть, охватившие его с этого момента, заставили вернуть ризу на место.

Сегодня старинные иконы «Неопалимой купины» можно увидеть в Богоявленском кафедральном соборе Москвы, в Спасско-Преображенском монастыре на Соловках, но, как правило, икона включена в иконостас большинства православных храмов, поэтому отыскать ее не составляет труда.

Перед иконой молятся о спасении пораженных молнией и пострадавших на пожаре, а также об исцелении от тяжелых заболеваний.

Молитва первая

О, Пресвятая и Преблагословенная Мати Сладчайшаго Господа нашего Иисуса Христа, припадаем и покланяемся Тебе пред святою и пречестною иконою Твоею, еюже дивная и преславная чудеса содеваеши, от огненнаго запаления и молниеноснаго грома жилища наша спасаеши, недужныя исцеляеши и всякое благое прошение наше во благо исполняеши. Смиренно молим Тя, всесильная рода нашего Заступнице: сподоби ны, немощныя и грешныя, Твоего матерняго участия и благопопечения. Спаси и сохрани, Владычице, под кровом милости Твоея церковь святую, обитель сию, град сей, всю страну нашу православную, и вся ны, припадающия к Тебе с верою и любовию и умиленно просящия со слезами Твоего заступления.

Ей, Госпоже Всемилостивая, умилосердися на нас, обуреваемых грехами многими и не имущих дерзновения ко Христу Господу просити Его о помиловании и прощении, но Тебе предлагаем к Нему на умоление, Матерь Его по плоти: Ты же, Всеблагая, простри к Нему богоприимнии руце Твои и предстательствуй за нас пред благостию Его, просяще нам прощения прегрешений наших, благочестнаго мирнаго жития, благия христианския кончины и добраго ответа на Страшном суде Его. В час же грознаго посещения Божия, егда огнем возгорятся домы наши или молниеносным громом устрашаеми будем, яви нам милостивное Твое заступление и державное вспоможение: да спасаеми всесильными Твоими ко Господу молитвами, временнаго наказания Божия зде избегнем и вечное блаженство райское тамо унаследуем и со всеми святыми воспоем пречестное и великолепое имя поклоняемыя Троицы, Отца и Сына и Святаго Духа, и Твое велие к нам милосердие во веки веков. Аминь.

Молитва вторая

Царице Небесная, Владычице наша, Госпоже вселенныя, Пресвятая Богородице, нескверная, неблазная, нетленная, пречистая, чистая Приснодево, Марие Богоневесто, Мати Творца твари, Господа славы и Владыки всяческих!

Тобою Царь царствующих и Господь господствующих прииде и на земли нам явися. Ты убо Божие милосердие воплощенное. Ты Мати Света и живота сущи, якоже некогда во чреве Твоем носила еси Его и на объятиих Твоих имела еси Младенца Слово Превечное, Бога, тако и всегда Того с Собою имаши.

Сего ради мы по Бозе к Тебе прибегаем, яко к нерушимей стене и предстательству: призри благосердием, Всепетая Богородице, на лютое озлобление наше и исцели душ и телес наших болезни, отжени от нас всякаго врага и супостата, избави от глада, мора, от язвы, от вод многих и воздухов тлетворных, и от смерти внезапныя; и якоже три отроки в пещи вавилонстей, сохрани и соблюди нас, да якоже древле людем Божиим, тако будут вся благая нам, чтущим Тя; врази же и вси ненавидящии нас да постыдятся и посрамятся, и уразумеют вси, яко с Тобою Господь, о Владычице, и Тобою с нами Бог.

Во дни осени нас сению благодати Твоея, во тьме же нощней просвети светом свыше, всем полезная устрояющи; преложи горесть нашу во сладость и слезы утри согрешивших и бедствующих раб Твоих, исполняющи коегождо прошения вся во благо; вся бо можеши, елика хощеши Ты, Мати Слова и Живота.

Тебе Отец венча Дщерь, Сын – Матерь Деву, Дух Святый – Невесту, да царствуеши яко Царица, предстоящи одесную Святыя Троицы, и милуеши нас – якоже хощеши, ныне и присно и во веки веков. Аминь.

Тропарь, глас 4-й

Иже во огни купины неопалимыя, древле Моисеем виденныя, тайну воплощения Своего от Неискусобрачныя Девы Марии прообразовавый, Той и ныне яко чудес Творец и всея твари Создатель икону Ея святую чудесы многими прослави, даровав ю верным во исцеление недугом и в защищение от огненнаго запаления. Сего ради вопием Преблагословенней: Надеждо христиан, от лютых бед, огня и грома избави на Тя уповающия и спаси души наша, яко милосерда.

Икона Божьей Матери «Живоносный источник»

На иконе «Живоносный источник» Богоматерь с Младенцем погружены по пояс в воду, которой наполнена большая каменная чаша или фиала. Сама купель также стоит в небольшом источнике с водой. Нижнее поле иконы заполнено изображениями страждущих людей, припавших к источнику в надежде исцелиться, на верхнем поле по углам расположены ангелы.

Икона прославляет Богоматерь как живоносный источник, давший миру Спасителя – истину, путь и жизнь.

По преданию, первая икона появилась в храме Живоносного источника, построенном в середине VI в. византийским императором Львом Мудрым на месте явленного Богоматерью целебного источника. После падения Византийской империи храм был разрушен, но в XIX в. вновь восстановлен.

В России чудотворные списки с этой иконы находятся в храме Всех святых в Красном Селе, в храме Илии Пророка (Черкизово, Москва), в храме Иконы Божьей Матери «Живоносный источник» села Валяевка Пензенской области и в некоторых других храмах.

По свидетельству очевидцев, молитва перед иконой исцеляет от тяжелых, в том числе и хронических, заболеваний, помогает обрести душевное спокойствие, избавляет от паралича, увечий рук.

Молитва

О, Пресвятая Дево, Мати Господа нашего Иисуса Христа! Ты еси Мати и покровительница всех, к Тебе прибегающих, призри с благосердием на молитвы грешных и смиренных чад Твоих. Ты, именуемая Живоносный Источник благодатных врачеваний, исцели болезни страждущих и умоли Сына Твоего, Господа нашего Иисуса Христа, да низпослет и всем притекающим к Тебе здравие душевное и телесное и, простив нам вольная и невольная согрешения наша, дарует нам вся яже к вечней и временней жизни потребная. Ты еси всех скорбящих радость, услыши нас, скорбных; Ты еси утоление печали, утоли и нашу печаль; Ты еси взыскание погибших, не попусти и нам погибнути в бездне грехов наших, но всегда избавляй нас от всяких скорбей и напастей, и всякаго злаго обстояния. Ей, Царице наша преблагая, надеждо наша несокрушимая и заступнице необоримая, не отврати лица Твоего от нас за множество прегрешений наших, но простри нам руце Матерняго милосердия Твоего и сотвори с нами знамение милости Твоея во благо: яви нам помощь Твою и благопоспеши во всяком деле благом. От всякаго же начинания греховнаго и помышления лукаваго отврати нас, да всегда славим пречестное имя Твое, величающе Бога Отца и Сына Единороднаго Господа Иисуса Христа и Животворящаго Святаго Духа со всеми святыми во веки веков. Аминь.

Тропарь, глас 4-й

Почерпем, человецы, цельбы душам и телом молитвою. Река бо всем предтечет – Пречистая Царица Богородица, источающи нам чудную воду и измывающи сердец черности, греховныя струпы очищающи, души же освящающи верных Божественною благодатию.

Икона Божьей Матери «Нечаянная радость»

Композиция иконы построена на основе следующего сюжета эпизода сочинения XVII в. «Руно орошенное», написанного святым Димитрием Ростовским. Во время молитвы, которую грешник имел обыкновение совершать каждый раз, отправляясь на новый разбой, он с изумлением обнаруживает, что на образе Спасителя вдруг начинают открываться кровоточащие раны, приносящие Христу непередаваемые страдания. Пораженный увиденным, грешник просит Пречистую Деву о заступничестве перед Сыном. Богородица трижды обращается к Христу с просьбой простить согрешившего и только на третий раз получает согласие. Грешник в раскаянии припадает к порожденным его грехами ранам и получает «нечаянную радость» прощения и спасения.

В левом нижнем углу иконы на коленях перед образом Богородицы стоит грешник, взор его устремлен на занимающий большую часть иконы образ Одигитрии со Спасителем. На нижнем поле иконы помещены первые строки «Руна орошенного», которые иногда заменяют слова молитвы.

В XIX в. было известно несколько чудотворных икон «Нечаянная радость», которые являли многие чудеса исцеления, в том числе от полной глухоты. Сегодня чудотворные списки с этой иконы хранятся в храме в честь иконы Божьей Матери «Нечаянная радость» в Марьиной Роще (Москва) и в храме во имя Святого пророка Илии (Москва).

Молитва перед иконой исцеляет от болезней ушей, глухоты и нервных болезней, дарует силы для борьбы с пороками и пагубными пристрастиями к алкоголю и наркотикам.

Молитва

О, Пресвятая Дево, Всеблагаго Сына Мати Всеблагая, града Москвы Покровительнице, всех сущих во гресех, скорбех, бедах и болезнех Верная Предстательнице и Заступнице! Приими молебное пение сие от нас, недостойных раб Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси нечаянную радость ему и преклонила еси Сына Твоего многим и усердным к Нему ходатайством ко прощению сего грешнаго и заблуждшаго, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам, с верою и умилением поклоняющимся пред цельбоносным образом Твоим, дарует нечаянную по коегождо потребе радость: грешникам, погрязшим во глубине зол и страстей, – вседейственное вразумление, покаяние и спасение; сущим в скорбех и печалех – утешение; обретающимся в бедах и озлоблениих – совершенное сих избытие; малодушным и ненадежным – надежду и терпение; в радости и изобилии живущим – непрестанное Благодетелю благодарение; бедствующим – милосердие; сущим в болезни и долгонедужии и оставленным врачами – нечаемое исцеление и укрепление; иждившим от недуга ум – ума возвращение и обновление; отходящим в вечную и нескончаемую жизнь – память смертную, умиление и сокрушение о гресех, дух бодр и твердую на милосердие Судии надежду. О Госпоже Пресвятая! Умилосердися ко всем, чтущим всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя – благи сотвори; заблуждшия – на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с Небесе низпосли; от искушений, соблазнов и погибели спаси; от злых человек и от врагов видимых и невидимых защити и сохрани; плавающим – сплавай; путешествующим – спутешествуй; сущим в нужде и гладе буди Питательница; неимущим крова и пристанища буди покров и прибежище; нагим подаждь одеяние; обидимым и неправедно гонимым – заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемое подаждь примирение и всем нам – друг ко другу любовь, мир и благочестие, и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини я друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай; юныя уцеломудри, отверзи им ум к восприятию всякаго полезнаго учения, страху Божию, воздержанию и трудолюбию настави; от домашней брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и богоугодному научи, прельщенныя же и во грех и нечистоту падшия, скверну греха отъявши, из бездны погибели изведи. Вдов буди Утешительница и Помощница, старости буди жезл, от внезапныя смерти без покаяния всех нас избави и всем нам христианскую кончину живота нашего, безболезненну, непостыдну, мирну, и добрый ответ на Страшнем судищи Христове даруй. Преставльшияся в вере и покаянии от жития сего со ангелы и всеми святыми жити сотвори, скончавшимся внезапною смертию милостива быти Сына Твоего умоли, и о всех усопших, иже не имут сродников, об упокоении их Сына Твоего умоляющих, Сама буди непрестанная и теплая Молитвенница и Ходатаица, да вси на Небеси и на земли ведят Тя, яко твердую и непостыдную Предстательницу рода христианскаго и, ведуще, славят Тя и Тобою Сына Твоего со Безначальным Его Отцем и Единосущным Его Духом, ныне и присно и во веки веков. Аминь.

Тропарь, глас 4-й

Днесь, вернии людие, духовно торжествуем, прославляюще Заступницу усердную рода христианскаго, и, притекающе к пречистому Ея образу, взываем сице: о Премилостивая Владычице Богородице, подаждь нам нечаянную радость, обремененным грехи и скорбьми многими, и избави нас от всякаго зла, молящи Сына Твоего, Христа Бога нашего, спаси души наша.

Икона Божьей Матери «Целительница»

Композиция иконы определяется сюжетом одного из эпизодов «Руна орошенного» Димитрия Ростовского, в котором повествуется о чудесном исцелении благочестивого клирика самой Богоматерью. По сюжету, клирик не один год прославлял Пречистую Деву, выкормившую своей грудью Спасителя. Заболев, он многие часы проводил в беспамятстве, но стоило ему только прийти в себя, как он снова воссылал молитвы к Богоматери. Однажды он увидел у своего изголовья ангела-хранителя, который молил Богородицу излечить язык почитающего ее юноши, чтобы он с новой силой мог прославлять Пречистую Деву. В ответ на эту молитву у изголовья больного появилась Богоматерь, которая выдавила каплю своего молока для страдающего юноши и исчезла. Тут же выздоровевший юноша рассказал всем о явленном чуде, при этом на его губах была видна капля молока.

Согласно этому сюжету Богородица предстает на иконе стоящей у изголовья юноши. Одна ее грудь обнажена, на губах страждущего видна капля молока. В нижней части иконы, как правило, помещен рассказ о явленном чуде, на полях иконы также изображены великомученики и священномученики.

Икона прославилась многими чудесами исцеления в XVIII и XIX вв., продолжает исцелять людей и сегодня. Икону «Целительница» можно встретить в больничных церквях, особо почитается исцеляющая икона в храме Воскресения Христова в Сокольниках (Москва).

Молитва перед иконой помогает при трудных родах, пропаже молока, бесплодии, детских болезнях.

Молитва первая

Приими, о всеблагословенная и всемощная Госпоже Владычице Богородице Дево, сия молитвы, со слезами Тебе ныне приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему. По коемуждо бо прошению исполнение твориши, скорби облегчаеши, немощным здравие даруеши, расслабленныя и недужныя исцеляеши, от бесных бесы прогоняеши, обидимыя от обид избавляеши, прокаженныя очищаеши и малыя дети милуеши; еще же, Госпоже Владычице Богородице, и от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему. О Всепетая Мати, Пресвятая Богородице! Не престай молитися о нас, недостойных рабех Твоих, славящих

Тя и почитающих Тя, и покланяющихся со умилением пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков. Аминь.

Молитва вторая

О, Пресвятая Госпоже Царице Богородице, Вышшая всех небесных сил и Святейшая всех святых. Припадаем и покланяемся Тебе пред всечестным и цельбоносным образом Твоим, воспоминающе дивное явление Твое болящему клирику Викентию, и усердно молим Тя, Всесильную рода нашего Заступницу и Помощницу, якоже древле подала исцеление тому клирику, тако и ныне исцели наша души и телеса, болезнующия ранами грехов и страстей многоразличных, избави нас от всяких напастей, бед, скорбей и вечнаго осуждения. Сохрани от душепагубных учений и безверия, от льстивых и наглых нападений невидимых врагов. Подаждь нам христианскую кончину безболезненну, мирну, непостыдну, Святых Таин причастну. Сподоби нас на нелицеприятном судищи Христове стати одесную Всеправеднаго Судии и блаженный глас Его услышати: приидите, благословеннии Отца Моего, наследуйте уготованное вам Царствие от сложения мира. Аминь.

Тропарь, глас 4-й

Яко Пресветлая Звездо, просия Божественными чудесы святый Твой образ «Целительнице», подаждь убо и нам, Богородице Марие, исцеление недугов душевных и телесных, спасение и велию милость.

Икона Божьей Матери «Тучная гора»

На иконе изображен поясной образ Богородицы со Спасителем на левой руке. Голова Пречистой Девы несколько наклонена вправо, взгляд обращен на молящегося. На правой ладони Богоматерь держит гору, увенчанную православным храмом с куполами и крестами. Сидящий Спаситель благословляет показываемый ему матерью храм.

Первое чудо, явленное иконой «Тучная гора», предание относит к XVII в., когда в одном из местных тверских монастырей проводили ремонт, во время которого особо отличился крещеный татарин Косма Волчанинов, и в благодарность за усердный труд настоятель монастыря разрешил талантливому мастеру выбрать одну из икон.

Косма не посмел остановить свой выбор на иконостасных иконах и предпочел взять ту, что стояла на полу.

Всю оставшуюся жизнь благочестивый Косма чтил подаренный ему образ и завещал его своим потомкам, но те отнесли икону на чердак; в доме же царила атмосфера грубости и насилия.

Одна из дальних родственниц Космы, не выдержав побоев и грубостей своего супруга, решила повеситься и отправилась в баню. Однако не успела она дойти и до середины пути, как во двор вошел инок. Он укорил отчаявшуюся и послал ее помолиться иконе «Тучная гора», пообещав избавление от горестей и неприятностей.

Икону отыскали, отслужили молебен, и в доме воцарилась спокойная дружелюбная атмосфера.

Прославленная икона была помещена в домашний иконостас и пребывала в нем еще долгое время, пока род не пресекся по мужской линии, после чего по распоряжению Космы икону следовало вернуть в храм.

Выбор пал на Смоленскую церковь (Тверь), построенную на высокой горе, спасительной во время сильных волжских наводнений. С 1866 г. образ находился в этой церкви, с него было сделано несколько списков.

За годы пребывания в храме образ прославился многими чудесными исцелениями, в первую очередь от различных глазных заболеваний. После революции 1917 г. и закрытия храма икона исчезла, но в начале 1990-х гг. был создан новый список, который хранится теперь в Вознесенском соборе (Тверь), и почитание чудотворного образа возобновилось.

По данным очевидцев, молитва перед иконой помогает укрепить веру, спасает от отчаяния, избавляет от заболеваний нервного характера, от слепоты, катаракты, падения зрения, кожных заболеваний.

Молитва первая

О, всемилостивая Владычице наша Пресвятая Богородице Марие! Призри на ны, погибающия рабы Твоя, бехом бо мы мерзкия, бехом бо мы блудныя, бехом бо мы злоречивыя, а паче всего – гордыя; ныне же видехом всю мерзость нашу пред очесами Господа и уже несмь достойны предстати пред лицем Его, и токмо Тя, Владычице, яко Многомилостивую себе Заступницу, призываем.

О Мати Божия, во гресех сущих не остави нас. Надеждо наша несумненная, обнови нас в покаянии, возстави ко исполнению заповедей Божиих, учини нас в церкве святей и сотвори достойными Святаго Причастия Животворящим и Божественным и Страшных Тайном; Ты бо присно молиши за ны Сына Своего и Бога, вемы яко много бо может моление матернее. И да испроси у Христа Бога здравия нам телесного, и яко Милостивая, облагодати души наша, посли мир и благое поспешение всем ближним нашим, призри на град наш, хранимый покровом Твоим, емуже яви скорое заступление от чудотворныя и благолепныя святыя Твоея иконы, юже ныне благодарне лобызаем, и сохрани его и вся инии гради и веси, и весь род православный от всяких напрасных бедствий; и отрази ересей нашествие от язык иноплеменных на нас находящия, расколы разори, распри и иныя разделения в церкви Божией, яко елеем Твоим целебным, любовию нелицемерной умастив, надежно управи, да мирное и благочестивое житие будет в удел нам, и да сподобимся добрыя глаголы от Сына Твоего и Судии нашего слышати под судом Его правым, Ему же слава и честь, и поклонение со Безначальным Его Отцем и Всеблагодатным Его Духом, ныне и присно и во веки веков. Аминь.

Молитва вторая

Тебе, Владычице, пред иконою Твоею, во умилении преклонив выю свою гордую, взываю: се аз, грешный, от несущего к сущему воззван бых, но скоро за моя безчисленныя и мерзкия согрешения вновь в несущее во адовых безднах обращен буду; но из тьмы зловонныя грехов моих молюся Ти, Преблагая: спаси мя, умоли Сына Твоего пождати паки, да не пожрет мя днесь напрасныя смерть, и да по велицей милости Его и при благоприятной Твоей, Пречистая, помощи, обращуся от тьмы к свету, от самолюбия – к боголюбию, от неверия – к вере, от зла – ко благу, от богомерзости греха – к преподобию; аще бо что человеку невозможно бысть, то Богу возможно, и да отныне послужу ко прославлению Сына Твоего, предадя ся всеблагой воле Его, дабы и мне приидти по Страшнем судище Христовом ко благим и возлюбленным овцам пажити Его в радость присную и жизнь вечную. Аминь.