Небесные покровители земного воинства Игонина Елена

Припев: Святый мучениче Андрее, моли Бога о нас.

Яко стену крепку тя Церковь стяжавши, премудре, вражиими сопротивными прилоги* непреклонима является, зовущи: слава силе Твоей, Господи.

Припев: Святый мучениче Андрее, моли Бога о нас.

Б ожественными учении укрепив мученический полк, якоже воевода, телу яко растлитися, славне, хотящу, пощадитися никакоже повинул* еси.

Припев: Святый мучениче Андрее, моли Бога о нас.

Яко оружием, вооружився мужеством, и якоже мечем обоюдуострым, Андрее преблаженне, Крестом Честным враги потребил еси, якоже воевода доблественнейший.

С лава: Тя, поборника веры, восхваляем, яко страдальца непобедима, и Небесныя светлости причастника, и источника, источающа воды чудес требующим.

И ныне: Восхваляем Тя, похвало мучеников и верных спасение, вси человечестии роди, Пренепорочная: Бога бо родила еси, пребывши Дева нетленна.

Песнь 5

Ирмос: Ты, Господи мой, Свет в мир пришел еси, Свет Святый, обращаяй из мрачна неведения верою воспевающия Тя.

Припев: Святый мучениче Андрее, моли Бога о нас.

М ужества истиннаго быв тезоименит, отгнал еси враги твоя и до конца, Андрее всеблаженне, потребил еси.

Припев: Святый мучениче Андрее, моли Бога о нас.

В оды верным исцелений всегда, прехвальне, источаеши, спасительною благодатию обогатився духовною.

С лава: Протече во всю землю воистину, богодухновенне, хвала твоих чудес и честнаго мучения, сияние Божественныя благодати.

И ныне: Оружия врага ныне до конца оскудеша, рождши Тебе, Богородице, копием Уязвеннаго и мир Обновльша.

Песнь 6

Ирмос: Пожру* Ти со гласом хваления, Господи, Церковь вопиет Ти, от бесовския крове очищшися, ради милости от ребр Твоих истекшею Кровию.

Припев: Святый мучениче Андрее, моли Бога о нас.

П ритупил еси лукаваго жала болезньми твоими и к неболезненней славе преставился еси, радуяся, мучениче Андрее, Стратилате мученических честных полков.

Припев: Святый мучениче Андрее, моли Бога о нас.

К ровьми малыми изменил еси светлость вечнующия славы, и радость, никогдаже престающую, и венцы Небесныя, и сияние невечернее.

С лава: Воинство многочисленное, мучениче, собрав, и ликом Ангельским причел еси, блаженне, с тобою страдавшее, радостно Владыце всех предстоите.

И ныне: Родила еси неизглаголанно Отцу Собезначальнаго, уподобльшася человеком, паче ума и слова, Богородительнице: Егоже моли избавитися от бед рабом Твоим.

Г осподи, помилуй. (Трижды.)

С лава Отцу и Сыну и Святому Духу и ныне, и присно, и во веки веков. А минь.

Конд а к

глас 4

В молитвах Господеви предстоя, якоже звезда солнцу предтекий*, и желаемое сокровище Царствия узрел еси, радости неизреченныя исполняяся. Безсмертному Царю в безконечныя веки, от Ангел безпрестани хвалимому, поеши, Андрее Стратилате. С нимиже молися непрестанно о всех нас.

Икос [74] П ение ми даруй, Боже мой, воспевати и глаголати, и поитати подвиги страстотерпца Твоего и мученика, яко да благосочетанно восхвалю добляго во страдании, Андрея Стратилата, победителя во страстех бывша всегда, великаго во благочестии, и в лице мученик возсиявшаго: в нихже поет непрестанно Христа, со множеством Ангельским, премудрый, приемля свыше Божественное осияние и моля непрестанно о всех нас.

Песнь 7

Ирмос: В пещи Авраамстии отроцы персидстей, любовию благочестия паче, нежели пламенем опаляеми, взываху: благословен еси в храме славы Твоея, Господи.

Припев: Святый мучениче Андрее, моли Бога о нас.

С труями кровными источник истещи сотворил еси, всяческих недуг, мучениче, яко воистину болезнь исцеляющ, приступающим к тебе несумненною верою, богодохновенне.

Припев: Святый мучениче Андрее, моли Бога о нас.

С вятых собор Пресвятому Слову, мудре мучениче, привел еси кровию, жизнь нестареемую наследовал еси, с нимиже моли о нас Христа Человеколюбца.

С лава: Божественною ревностию твоими кровьми багряницу себе, мучениче, обагрив, и в сию одеявся, всеми Царствующему сцарствуеши ныне, победным венцем украшаемь.

И ныне: Яже человеки паче естества Божественным Рождеством Твоим, Дево, проявленно обоживши, яко Бога неизреченно воплощши, благословена Ты в женах еси, Пренепорочная Владычице.

Песнь 8

Ирмос: Руце распростер, Даниил львов зияния* в рове затче*; огненную же силу угасиша, добродетелию препоясавшеся, благочестия рачители отроцы, взывающе: благословите вся дела Господня, Господа.

Припев: Святый мучениче Андрее, моли Бога о нас.

Л ьвов дивиих* стремления удержал еси, славне, твердыми подвиги твоими, мучителей безбожных шатания Божественною силою смирил еси, и победитель к Небесем, вопия, востекл еси: благословите вся дела Господня, Господа.

Припев: Святый мучениче Андрее, моли Бога о нас.

С вятых светлости видети и жити в радости, мучениче, сподобился еси, подвигся, доблественне, и скончав подвиг твой мечным усекновением. И ныне вопиеши с веселием: благословите вся дела Господня, Господа.

С лава: К Божественному притекающе храму, божественнаго мученика свет приимем, и раце прикасающеся всегда мощей сего, радующеся, священие подательно благодати приимше, вопием: вся дела благословите Господня, Господа.

И ныне: Святая Дево, Яже Бога Пресвятаго свято порождши, Егоже вси святии мученицы на судищи исповедаша, освящение и просвещение нам низпосли, вопиющим: вся дела благословите Господня, Господа.

Песнь 9

Ирмос: Камень нерукосечный от несекомыя горы, Тебе, Дево, краеугольный отсечеся, Христос, совокупивый разстоящаяся естества. Тем, веселящеся, Тя, Богородице, величаем.

Припев: Святый мучениче Андрее, моли Бога о нас.

С е светозарна страстотерпца память просия светоносно, тьму демонскую отгонящи, верныя же вся просвещающи, сию светло совершаем, сего достойно величающе.

Припев: Святый мучениче Андрее, моли Бога о нас.

Я вился еси, яко солнце велие, посреди, Андрее, страждущих с тобою, сих к невечернему сиянию Небесныя светлости наставляя словесы твоими, с нимиже тя верою ублажаем.

Припев: Святый мучениче Андрее, моли Бога о нас.

Т я, светлостию чудес всю просвещающаго тварь, тя, неуклонным мучением Церкви столпа бывша и верным утверждение, мучениче Андрее, величаем.

С лава: Процвел еси посреди рая страдалец, якоже шипок*, нося тайно благовоние, и обвеселя верных исполнение, и смрад, всемудре, прелести отгоня Божественною благодатию.

И ныне: Носящи Христа на руку, манием* Носящаго вся, Сего моли руки мя чуждаго избавити, Владычице, православною верою Тя непрестанно величающа.

Молитва [75] С вятый мучениче Андрее Стратилате, призри с Небеснаго чертога на требующих твоея помощи и не отвергни прошений наших, но, яко присный* благодетель и ходатай наш, моли Христа Бога, да, человеколюбив и многомилостив Сый*, сохранит нас от всякаго лютаго обстояния: от труса*, потопа, огня, меча, нашествия иноплеменников и междоусобныя брани. Да не осудит нас, грешных, по беззакониям нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго твоего заступления. Да молитвами твоими даст нам Господь мир помыслов, воздержание от пагубных страстей и от всякия скверны, и да укрепит во всем мире Свою Единую Святую Соборную и Апостольскую Церковь, юже стяжал есть Честною Своею Кровию. Молися прилежно, святый мучениче, да благословит Христос Бог державу нашу, да утвердит во Святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на Небеси благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне, и присно, и во веки веков. А минь.

Мученик Иоанн Воин [76]

Мученик Иоанн Воин состоял на службе у римского императора Юлиана Отступника [77] . Однажды правитель послал отряд, предводительствуемый Иоанном, для преследования и истребления христиан. Отправившись исполнять приказ, воин втайне стал оказывать христианам различную помощь, так что явился в действительности не гонителем, а скрытым заступником. Одних предупреждал заранее о готовящемся гонении, чтобы они могли убежать; других, вдали от посторонних глаз, освобождал уже после того, как они были схвачены; третьим просто подавал необходимое в какой-либо нужде. В глубине сердца Иоанн уже давно исповедовал христианскую веру и потому стремился, нося тяготы других, исполнить закон Христов [78] . Он упражнялся в молитве и посте, посещал больных и заключенных.

Юлиан Отступник узнал о деятельности святого и приказал немедленно привести его в Константинополь. По дороге стражники обращались с ним, как с государственным преступником: нещадно избивали и морили голодом. Когда Иоанна доставили в столицу, император был в походе против персов, и мученика отправили в темницу ожидать его возвращения. Святой был закован в тяжелые цепи и претерпевал такие лишения, что изнемогал душой. В такие минуты враг пытался одолеть его сомнением: стоило ли менять спокойную жизнь на такие страдания? Но неизбежные искушения, встречая крепкую молитву, отходили, и узник вновь горячо благословлял милосердие Творца. После смерти Юлиана Отступника, убитого в походе, Иоанн Воин был освобожден. Испытанный скорбями и очищенный ими, он посвятил дальнейшую жизнь служению Богу и людям.

Все имущество святого было употреблено на нужды бедняков и страждущих. Мученик Иоанн прожил в чистоте и благочестии до глубокой старости и мирно отошел ко Господу. Он завещал похоронить его тело в месте погребения странников и нищих, которые были так близки его душе.

Со временем место погребения святого Иоанна было забыто. Однажды он явился в сонном видении благочестивой женщине и указал, где находится эта могила. Так совершилось обретение его мощей, которые оказались нетленными и чудотворными. Рака с мощами была устроена в Константинопольском храме во имя апостола и евангелиста Иоанна Богослова.

Святой Иоанн Воин почитается как защитник обижаемых и страждущих и покровитель тех, кто находится на военной службе. Он прославлен Церковью в лике мучеников, так как, хотя и не был казне, до конца претерпел уготованные ему мучения за Христа. Храмы Иоанна Воина строились во многих городах и селах нашего Отечества. Один из них находится в Москве, на Большой Якиманке. Это одна из красивейших московских церквей, есть в ней и чтимая икона мученика. В честь Иоанна Воина нередко освящаются престолы храмов, расположенных в воинских частях.

Составлено по источникам:

[Память] святого мученика Иоанна Воина // Минея июль. Ч. 3. М.: Издательский Совет Русской Православной Церкви, 2008. [Краткое житие].

Память святого Иоанна Воина // Димитрий Ростовский, свт. Жития святых: В 12 т. Т. 11. Месяц июль. [Репринтное издание]. М.: Лествица, 2004.

Троп а рь

глас 4

В себлагаго Бога и Царя / благоверный раб и воин явился еси, Иоанне чудодетелю, / пострадав бо ради веры мужески, / блаженно же скончав течение, / зриши Всетворца Господа в Небесех светлейше. / От Негоже прием дарование чудес, / страждущим человеком во всяких напастех помогаеши, / укрепляеши воины в ратех, / от врагов пленения, ран же и внезапных смертей и от бед лютых изымаеши. / Темже моли Владыку Христа, приснопамятне, / да во всяком обстоянии сотворит нам милость / и не введет нас во искушения, / но спасет души наша, яко Человеколюбец.

Ин тропарь

глас 8

Б лаженство евангельское возлюбив, богомудре Иоанне, / чистоту сердца девством почтил еси. / Темже суету мира сего пренебрег, / устремился еси зрети Бога, / Иже тя прослави чудесы во врачевании различне страждущих. / Сего ради молим тя: / проси нам у Христа Господа всяких скорбей избавления / и получения Царства Небеснаго.

Канон [79]

глас 2

Песнь 1

Ирмос: Грядите, людие, поим песнь Христу Богу, раздельшему море и наставльшему люди, яже изведе из работы египетския, яко прославися.

Припев: Святый мучениче Иоанне, моли Бога о нас.

С ветлое празднество твое, святе Иоанне, радостно на духовную трапезу нас созывает, в нейже учреждаеши ны вся, к тебе притекающия, даровании, в пользу прошения нам исполняя.

Припев: Святый мучениче Иоанне, моли Бога о нас.

П одвигом добрым подвизався на земли, преблаженне Иоанне, и от злаго мучителя мученики Христовы сохраняя, приял еси от Христа Бога Небесную жизнь, отнюдуже* в скорбех нам подаждь помощь.

Припев: Святый мучениче Иоанне, моли Бога о нас.

В оинством истинным, богомудре, злочестиваго царя небрег мучительства, и богатство нищим Христа ради расточив, приял еси дар чудес от Бога, лукавыя человеки обличая, благочестивым способствуеши.

С лава: Воинство земное небрегл еси, иногда [80] Христа ради тело свое удручая постом и молитвою, и враги посрамил еси. Сего ради и чудесы от Бога обогатился еси.

И ныне: Воплотися из Тебе боголепно Слово Безплотное премножеством человеколюбия, Пречистая Дево; Егоже, Владычице, моли вечное блаженство даровати нам.

Песнь 3

Ирмос: На ка!мене мя веры утвердив, разширил еси уста моя на враги моя, возвесели бо ся дух мой, внегда пети: несть свят, якоже Бог наш, и несть праведен, паче Тебе, Господи.

Припев: Святый мучениче Иоанне, моли Бога о нас.

С мученики несумненну веру стяжав, благодушне, и Христу Иисусу быв воин, добродетельми обогатился еси; темже совершающим память твою честную благое просвещение всегда даруй.

Припев: Святый мучениче Иоанне, моли Бога о нас.

Л укавнующим зле невидимый гонитель, мучениче Христов, являешися и крадьбы, в тайне сущия, открываеши, приял бо еси власть от Бога полезная ко спасению всем содевати.

Припев: Святый мучениче Иоанне, моли Бога о нас.

Якоже столп непоколеблем, сердце твое, всечестне Иоанне, имея, любовь мучеником Христовым сотворил еси, не бояся царева суровства, темже в любви Господни утверждатися нам помози.

С лава: Яко дерзновение имея к Богу, Иоанне, воин ныне Небесному Царю сый*, проси нам грехов оставления, празднующим память твою.

И ныне: Богородице, Мати Господа Иисуса, со всеми святыми Того моли избавити ны от всех бед и скорбей, яко да посрамятся вси, являющии рабом Твоим злая, хвалити же с Сыном Тя присно нас сподоби.

Г осподи, помилуй. (Трижды.)

Сед а лен

глас 8

Ц арю Небесному и Творцу веков угождая присно, законопреступнаго Иулиана мучителя вся злоковарныя и богомерзкия советы отразил еси, славне, идолом бездушным жертвы возбранив творити, и тако в подвизе душу твою в руце Господу Богу предал еси. Егоже моли, святе Иоанне, прегрешений оставление нам даровати, чествующим святую память твою.

С лава: Мужеством души верою вооружився, глагол Божий, яко копие, взем, врага уязвил еси, мучеником похвала и удобрение, великий Иоанне.

И ныне: О Тебе радуется, Благодатная, всякая тварь, Ангельский собор и человеческий род, освященный храме и раю словесный, девственная похвало, из Неяже Бог воплотися, и Младенец бысть, прежде век Сый Бог наш: ложесна бо Твоя престол сотвори и чрево Твое пространнее Небес содела. О Тебе радуется, Благодатная, всякая тварь, слава Тебе.

Песнь 4

Ирмос: Пришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.

Припев: Святый мучениче Иоанне, моли Бога о нас.

У подобился еси распеншемуся волею на Древе Христу Богу нашему, всечестне, сраспенся Ему всяким воздержанием, молитвою же, и милостынею, и многими добродеяньми.

Припев: Святый мучениче Иоанне, моли Бога о нас.

С е даже до смерти, Иоанне мучениче, смирился еси: святыя бо твоя мощи на месте в погребении странных [81] быша сокровены, сего ради Господь по всей вселенней тебе прослави.

Припев: Святый мучениче Иоанне, моли Бога о нас.

Ц аря преступника Иулиана воинство тленное во власти содержав, от того послан был еси убивати Христовы мученики. Но ты, блаженне, тыя храня, в вере утверждал еси, во еже пети: слава силе Твоей, Господи.

С лава: Небеснаго ради радования и будущаго праведным веселия, земная вся оставил еси мудрования, и, всячески добродетельми Богу угождая, за ны молися, Иоанне всечестне.

И ныне: Недоумение во спасение предлежит ми, от обышедших мя зол, Пречистая. Темже избави мя от них скоро, благоразумие подающи, к Тебе бо единей прибегох, Богомати.

Песнь 5

Ирмос: Света Подателю и веков Творче, Господи, во свете Твоих повелений настави нас: разве бо Тебе, иного бога не знаем.

Припев: Святый мучениче Иоанне, моли Бога о нас.

Т аин Божественных вкусив в разуме, Иоанне, проповедь Божия рождения исповедал еси, глаголя пред всеми: иного бога, разве Всетворца, не знаю.

Припев: Святый мучениче Иоанне, моли Бога о нас.

В озлюбившаго Господа любите, – возглаголал еси, страстотерпче, страждущим мучеником, в Егоже любви утвердився, обогатился еси чудесы, врачуя болезни многия.

Припев: Святый мучениче Иоанне, моли Бога о нас.

С лаву мира сего нивочтоже, богомудре воине, вменил еси, славы ради Христовы, темже, страдалчество совершив и славы Божественныя сподобився, нам получити оную молися.

С лава: Не убоявся законопреступнаго царя повеления, вместо мук христианы заступаше, и сокрывахуся твоим повелением, и сего ради воин бысть Царю силам.

И ныне: Тя, Владычице, молим, славяще Твое о нас милосердие: всяких ны скорбей, Марие, свободи и помози утреневати* нам к Богу и вечнаго блаженства сподобитися.

Песнь 6

Ирмос: В бездне греховней валяяся, неизследную* милосердия Твоего призываю бездну: от тли*, Боже, мя возведи.

Припев: Святый мучениче Иоанне, моли Бога о нас.

С илою Божиею укрепився, мучеников славо, Иоанне, прещений* нечестивых небрегл еси; ныне же зря [82] радостне Бога, от злых нас избави.

Припев: Святый мучениче Иоанне, моли Бога о нас.

М олитвами и постом, и в целомудрии всяким воздержанием Богу угодил еси, всечестне; свыше назирая*, свобождай ны от скорби.

Припев: Святый мучениче Иоанне, моли Бога о нас.

П росимая чествующим тя верно, блаженне, подаеши, злыя человеки обличая, о кающихся же Богу моляся.

С лава: Мученическое дерзновение восприим, потщался* еси по вере Христове поборати, якоже добрый воин, вооружи себе силою Креста Господня, от Негоже даром чудес обогатися.

И ныне: Уврачуй, Богородице, страсти душ и телес наших, Врача Христа нам порождши, и вражие злоковарство посрами милосердием Твоим.

Г осподи, помилуй. (Трижды.)

С лава Отцу и Сыну и Святому Духу и ныне, и присно, и во веки веков. А минь.

Конд а к

глас 6

Б лагочестиваго воина Христова, победившаго враги душевныя и телесныя богомудренно, Иоанна мученика достодолжно песньми восхвалим, чудодействуя бо, подает обильная исцеления страждущим людем и молится Господу Богу от всяких бед спасти правоверныя.

Икос К то подвиги твоя и страдания ради веры в Господа Иисуса изрещи возможет, прехвальне Иоанне? Или киими* тя увенчаем похвалами, ради мужественнаго твоего в законе Господни и во истиннем благочестии стояния? Попрал бо еси вся козни душетлителя врага, целомудрием и всякими добротворении вооружився; богатство и славу и похоть вредную возненавидев, нищету и поношение Христово возлюбил еси, страждущим в скорбех помогая. Темже, вселився в Небесныя кровы, даровании преславных чудес обогатился еси. Оттуду убо, блаженне, вся, притекающия к тебе, назирай, помощи творя, во еже от всяких бед спасти правоверныя.

Песнь 7

Ирмос: Образу златому, на поли Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.

Припев: Святый мучениче Иоанне, моли Бога о нас.

Б езбожное мучителя законопреступнаго веление, страстотерпче Иоанне, преобидев*, богочестив Всемогущаго Царя воин показался еси, благодатне же орошаемь, с людьми Божиими пел еси: благословен еси, Боже отец наших.

Припев: Святый мучениче Иоанне, моли Бога о нас.

С ладкое, и великое, и радостное торжество ныне люди Господни облиста, еже мучеников доблейший целомудрый Иоанн вообрази. Точит бо цельбы молящимся верно Господу, иже взывают: благословен еси, Боже отец наших.

Припев: Святый мучениче Иоанне, моли Бога о нас.

Д ерзновение имея ко Владыце всех, святе Иоанне, яко ближний угодник Его, во обстоянии* напастей наших предстательствуй Ему о нас и помогай избавитися нам от грехов, да богомудренно поем: благословен еси, Боже отец наших.

С лава: Дерзновение имея к своему Владыце, о нас молитву сотвори, Иоанне, и прошения наша исполни, и грехов прощения испроси нам молитвами твоими, вопиющим: благословен еси, Боже отец наших.

И ныне: Преславное совершися таинство в Тебе, Богомати, безсеменно бо зачала еси Сына, бремя грех наших упразднившаго. Темже, упование на Тя имуще и Твою помощь зряще, усердно вопием: благословена еси, Дево Владычице.

Песнь 8

Ирмос: Пещь иногда огненная в Вавилоне действа разделяше, Божиим велением, халдеи опаляющая, верныя же орошающая, поющия: благословите вся дела Господня, Господа.

Припев: Святый мучениче Иоанне, моли Бога о нас.

В ышних ищай, на земли прелести возненавидел еси, богоблаженне. Темже, с мученики Христовыми в любви духовней соединився, дерзновенно Богочеловека Иисуса проповедал еси, о Немже зовеши: благословите вся дела Господня, Господа.

Припев: Святый мучениче Иоанне, моли Бога о нас.

Н еоскудно требования подавая, нищим был еси готовый питатель, воине благочестивомудренне Иоанне. И ныне, притекающия к тебе назирая, исполни тех прошения, да радостно зовем: благословите вся дела Господня, Господа.

Припев: Святый мучениче Иоанне, моли Бога о нас.

В сезритель Бог, усердие твое, Иоанне, и совершенную веру видев, прослави тя славою вечною. Егоже моли в пользе ущедрити ны, богомудренно поющия: благословите вся дела Господня, Господа.

С лава: Моления наша приими, ныне приносимая тебе, праведному страстотерпцу. Тебе бо даде Господь чудесем дарование подаяти просящим верно прошения и превозносящим Христа во веки и поющим: благословите вся дела Господня, Господа.

И ныне: Марие Богоневесто, к Тебе прибегаем, и Тебе, припадающе, молимся: виждь, Владычице, скорбь нашу и озлобление от враг наших и умири жизнь всех нас, Миротворца порождши Господа, Егоже благословим во веки.

Песнь 9

Ирмос: Безначальна Родителя Сын, Бог и Господь, воплощся от Девы, нам явися омраченная просветити, собрати расточенная. Тем Всепетую Богородицу величаем.

Припев: Святый мучениче Иоанне, моли Бога о нас.

Д обр явился еси пособник, преславне, людем Божиим, гонимыя сокрывая, и ныне чудесне помоществуеши верным, сего ради в памяти благодеяний твоих Христа Бога величаем.

Припев: Святый мучениче Иоанне, моли Бога о нас.

Т воя чудеса, преблаженне Иоанне, во всем мире проповедаются; темже и днесь, собравшеся, славу возсылаем Христу, тебе прославльшему.

Припев: Святый мучениче Иоанне, моли Бога о нас.

Н ас, восхваляющих тя, мучениче Христов, и твоея помощи просящих, днесь услыши, и к полезным управляти не престай, молитвенник теплейший и ходатай к Богу нашему являяся.

С лава: Изряден врач сердец человеческих чудодеянии явился еси, Иоанне, помоществуя всем богочестивым; тем, воспевающе тя, Христа величаем.

И ныне: Пети, Дево, Тя не престаем, Помощницу, Покров, скорое заступление и Предстательницу нашу непостыдную; соблюди Твоя рабы от всякаго озлобления и от козней лукаваго свобождай присно*.

Молитва [83] О мучениче Христов, Иоанне воине! Храбрый еси во бранех, и врагом прогонитель, и обидимым заступник всем православным христианом. О великий заступниче и угодниче Христов, Иоанне воинственниче! Помилуй нас, грешных и недостойных, и заступи в бедах и в скорбех, и в печалех и во всякой злой напасти, и от всякаго злаго и обидящаго человека, тебе бо дана бысть таковая благодать от Бога, еже молитися заны, грешныя, в бедах и напастех зле страждущия. Избави убо нас от обидящих и ненавидящих, буди нам поборник крепок на вся видимыя и невидимыя враги наша. О великий поборниче, Иоанне воине! Не забуди нас, всегда молящихся тебе, просящих помощи и неоскудныя милости твоея, и сподоби нас, грешных и недостойных, получити от Бога неизреченная благая, яже уготова любящим Его. Яко подобает Ему всякая слава, честь и поклонение, Отцу и Сыну и Святому Духу, ныне, и присно, и во веки веков. А минь.

Благоверный князь Александр Невский [84]

Жизнь благоверного князя Александра Невского представляет собой образец высочайшей добродетели и любви к ближнему до самопожертвования. Будучи истинным христианином, он явил себя храбрым воином, талантливым полководцем, крепким защитником Родины, молитвенником за родной народ – «солнцем земли Русской».

Александр родился в 1220 году в Переяславле-Залесском в семье князя Ярослава, в крещении Феодора, и рязанской княжны Феодосии Игоревны. В благоверном князе с детских лет проявилась склонность к подвижничеству. Он употреблял много сил для развития ловкости, умения владеть мечом и копьем и держаться в седле. Любимым занятием княжича было чтение священных книг. Он часто и подолгу молился, видя пример искреннего обращения к Богу в лице своей благочестивой матери.

Александру пришлось рано вступить на самостоятельный жизненный путь. В четырнадцатилетнем возрасте он впервые, под отцовским стягом, участвовал в походе на Дерпт, через два года был посажен на новгородское княжение, а в девятнадцать лет вступил в брак с полоцкой княжной Брячиславой, в крещении Александрой.

Начиналось очень трудное время в истории Руси: с востока шли, уничтожая все на своем пути, монгольские орды. Среди князей имели место бесконечные раздоры, которые еще более ослабляли Русь. Воспользовавшись нашествием Батыя, разгромом русских городов и гибелью лучших сынов народа, в пределы нашего Отечества вторглись с запада полчища крестоносцев. Остановить врага и защитить новгородцев, а с ними и всю Русскую землю мог только решительный и продуманный шаг.

По свидетельству современников, князь Александр, которому не было тогда и двадцати лет, в этот решающий час долго молился в Софийском храме [85] . Выйдя из церкви, он укрепил дружину исполненными веры словами: «Не в силе Бог, а в правде» – и с небольшим отрядом, уповая на Святую Троицу, поспешил навстречу крестоносцам.

Еще до завершения похода князь был удостоен чудесного знамения от Бога. Когда войско подошло к берегам Невы, стоявший в дозоре воин увидел плывущую по реке ладью, а в ней – мучеников Бориса и Глеба [86] . Старший, Борис, сказал, обратившись к брату: «Вели грести, да поможем сроднику нашему Александру». Узнав о видении, благочестивый полководец повелел никому не говорить о чуде и, ободренный, с молитвою повел войско на шведов.

Дружина благоверного князя показала чудеса храбрости и привела в изумление неприятеля. Шведы были разбиты, а Александр Ярославич, находясь во главе сражающихся, сам нанес рану предводителю врагов. За эту победу на Неве, одержанную 15 июля 1240 года, народ дал святому Александру своеобразный титул – Невский.

Опасными врагами оставались немецкие рыцари. В 1242 году им удалось захватить Псков. Александр, выступив в зимний поход, освободил этот древний город, а весной того же года дал Тевтонскому ордену решительное сражение на льду Чудского озера. По молитвам князя, помощью Божией и ратным подвигом крестоносцы были полностью разгромлены.

Современники ясно понимали значение Ледового побоища: оно положило предел вторжению с запада и прославило имя святого Александра по всей Руси. Наступало время оградить ее земли с востока.

В 1242 году Александр Невский вместе со своим отцом, Ярославом, выехал в Орду. Церковь в лице митрополита Кирилла благословила их на новое многотрудное служение: нужно было превратить татар из врагов и грабителей в союзников. Священную миссию защитников Русской земли Господь увенчал успехом, но на это потребовались годы труда и самопожертвования. Святому Александру приходилось ездить в Орду, чтобы отвести от русских земель карательное нашествие татар. Кроме того, он стал единовластным великим князем всей Руси: Владимирским, Киевским и Новгородским. На плечи святого легла огромная ответственность перед Богом и потомками.

Стараниями князя Александра и митрополита Кирилла в Сарае, столице Золотой Орды, была учреждена епархия Русской Православной Церкви. Наступила эпоха христианизации языческого Востока; в этом было пророчески познанное святым Александром Невским историческое призвание Руси. Он нес свет евангельской проповеди и православной культуры и в северные края: почти все Поморье в годы его правления было просвещено и освоено русскими.

Жизнь благоверного князя Александра была полностью отдана служению Церкви и Отечеству. Он предал свой дух Господу 14 ноября 1263 года, завершив многотрудный подвиг принятием схимы [87] с именем Алексий. Останки святого девять дней несли из Городца, где он скончался, во Владимир, и тело оставалось нетленным. Когда оно было положено во гроб, митрополит Кирилл с помощником, экономом [88] Севастианом, хотели разжать руку усопшего, чтобы вложить в нее так называемую прощальную грамоту. В этот момент князь, словно живой, сам простер руку и взял свиток из рук митрополита.

Так прославил Бог Своего угодника, святого воина Александра. А тот и после своей кончины не прекратил служения Русской земле, являясь предстателем и скорым помощником в самые трудные для нашего Отечества минуты. В 1942 году, во время Великой Отечественной войны, был учрежден советский орден Александра Невского, которым награждались командиры, проявившие личную отвагу и обеспечившие успешные действия своих частей. Образ благоверного князя лег в основу поэтических и прозаических произведений, художественных фильмов. Пример его воли и патриотизма на протяжении многих эпох воодушевлял русских людей. С молитвой об Отечестве и православных воинах обращаются к нему и сегодня.

Составлено по источникам: [Память] святого благоверного великого князя Александра Невского, в схиме Алексия, всея России чудотворца // Минея ноябрь. Ч. 2. М.: Издательский Совет Русской Православной Церкви, 2008. [Краткое житие].

Житие святого благоверного князя Александра Невского // Димитрий Ростовский, свт. Жития святых: В 12 т. Т. 3. Месяц ноябрь. [Репринтное издание]. М.: Лествица, 2004. Повесть о житии и о храбрости благоверного и великого князя Александра // Александр Невский. [Сайт]. URL: http://a-nevskiy.narod.ru/nevskiy.html

Троп а рь

глас 4

Яко благочестиваго корене / пречестная отрасль был еси, блаженне Александре: / яви бо тя Христос, яко некое божественное сокровище Российстей земли, / новаго чудотворца, преславна и богоприятна. / И днесь сошедшеся в память твою верою и любовию, / во псалмех и пениих радующеся, славим Господа, / давшаго тебе благодать исцелений, / Егоже моли спасти град сей, / и державе Российской богоугодней быти, / и сыновом Российским спастися.

Канон [89]

глас 2

Песнь 1

Ирмос: Моря чермную пучину невлажными стопами древний пешешествовав Израиль, крестообразныма Моисеовыма рукама Амаликову силу в пустыни победил есть.

Припев: Святый благоверный княже Александре, моли Бога о нас.

П риимша в своем сердцы, Блаже, Твою благодать духовную твердо премудраго повеления и в души благочестивых вложившаго, похвалами даждь ублажити Александра преславнаго.

Припев: Святый благоверный княже Александре, моли Бога о нас.

С ветильниче многосветлый Российския земли, чудесы, якоже солнце второе, сияя, всех нас поминай, совершающих память твою, Александре блаженне.

С лава: Церкве был еси Христовы красота, блаженне, пением бо сию украсил еси, преслане. И ныне молим тя: свободи ны от всякия брани борителя, поющия тя, Александре.

И ныне: Радуйся, благодати Источниче; радуйся, лествице и дверь Небесная; радуйся, светильниче, и стамно* златая, и горо несекомая, Дево, Жизнодавца Христа миру рождшая.

Песнь 3

Ирмос: Веселится о Тебе Церковь Твоя, Христе, зовущи: Ты моя крепость, Господи, и прибежище, и утверждение.

Припев: Святый благоверный княже Александре, моли Бога о нас.

В о весь мир пройде слава чудес твоих, блаженне, имиже просветил еси вселенную, от всех напастей избавляя присно*.

Припев: Святый благоверный княже Александре, моли Бога о нас.

Б лагочестиваго и венценоснаго Александра, сошедшеся, по достоянию восхвалим, яко чудес подателя обильнаго и Господу молящася о всех нас.

С лава: Источник чудес гроб твой явися неисчерпаемый, от негоже реки исцелений изливаеши верно память твою творящим, блаженне.

И ныне: Ты едина на земли преестественных благих Ходатаица, Мати Божия, была еси: тем Ти, радуйся, зовем.

Г осподи, помилуй. (Трижды.)

Сед а лен

глас 8

Яко звезда многосветлая, от востока произшед, явился еси светлаго ради жития твоего и чистоты душевныя и телесныя сосуд Святаго Духа; и сего ради по успении твоем от многих лет во гробе нетленны обретошася святыя твоя мощи, от нихже источаеши реки чудес исцелений верно зовущим ти: радуйся, благоверный великий княже Александре.

С лава, и ныне: Яко Всенепорочная Невеста Творцу, яко Неискусомужная Мати Избавителя, приятелище яко сущи Утешителя, Препетая, беззаконию мя суща скверное обителище и бесом игралище в разуме бывша, потщися от тех злодейства мя избавити и светлое жилище добродетелей соверши, Светоносная Нетленная, отжени облак страстей и Вышняго причастия сподоби, и света невечерняго молитвами Твоими.

Песнь 4

Ирмос: Вознесена Тя видевши Церковь на Кресте, Солнце Праведное, ста в чине своем, достойно взывающи: слава силе Твоей, Господи.

Припев: Святый благоверный княже Александре, моли Бога о нас.

К то любовь твою и милость ко всем человеком, паче же к нищим, изглаголет? И по смерти убо, яко жив, простерл еси руку твою и приял еси от иерарха свиток грехов прощения.

Припев: Святый благоверный княже Александре, моли Бога о нас.

Д несь день святаго празднственный многия созывает на веселие духовное, и трапезу, и пищу нетленныя жизни Божественнаго наслаждения.

С лава: К Божественному свету ныне преставился еси, света сын возлюблен быв, в радости и красоте с лики Ангельскими ныне радостно ликуеши, блаженне.

И ныне: Света Твоего блистаньми озари, Отроковице Всенепорочная, еже в нощи страстей искушении одержимое сердце мое, Правды Солнце Свет возсиявши.

Песнь 5

Ирмос: Ты, Господи, мой Свет, в мир пришел еси, Свет Святый, обращаяй из мрачна неведения верою воспевающия Тя.

Припев: Святый благоверный княже Александре, моли Бога о нас.

Д осточудная и преславная память твоя возсия в Российстей земли, блаженне, и радостно верных веселит соборы.

Припев: Святый благоверный княже Александре, моли Бога о нас.

О тверзошася тебе двери Едемския [90] , и несказанен Свет и Трисиянен возсия, блаженне, в неподвижнем [91] Царствии Небеснем, и праведных веселие приял еси радуяся.

С лава: Ныне Александр великий, сирот и вдов милостивый печальник, Отечествие свое и вся вкупе яве созывает: приидите, собравшеся, яко общему заступнику светло торжествуем.

И ныне: Сый* в зраце Божии, Пребожественный вселися во чрево Твое, в зрак мой облечеся Господь, Пренепорочная.